उद्योगपती अनिल अंबानी यांच्या उद्योग समूहातील रिलायन्स होम फायनान्स आणि रिलायन्स कमर्शियल फायनान्स या कंपनीच्या संचालक आणि प्रवक्त्याविरोधात सीबीआय मुंबईने गुन्हा नोंद केला. गुन्हा नोंद होताच सीबीआयने मुंबई आणि पुणे येथील निवासस्थानावर छापे मारले. युनियन बँक इंडियाचे 228 कोटी बुडवले आणि बँक ऑफ महाराष्ट्राची 57.47 कोटी रुपयांची फसवणूक केल्याचा या कंपन्यांवर आरोप आहे.
