एक मोठी राजकीय बातमी समोर आली आहे. अजित पवार गटाचे नेते छगन भुजबळ हे राज्याच्या मंत्रिपदाची शपथ घेणार आहेत, असं वृत्त ‘एबीपी माझा’ या वृत्तवाहिनीने दिलं आहे. एबीपी माझाने दिलेल्या वृत्तानुसार, मंगळवारी सकाळी 10 वाजता राजभवनात शपथविधीचा कार्यक्रम होणार आहे. महायुतीच्या मंत्रिमंडळात स्थान न मिळाल्याने भुजबळ नाराज असल्याची चर्चा होती.
दरम्यान, बीडमधील सरपंच संतोष देशमुख हत्या प्रकरणानंतर धनंजय मुंडे यांनी मंत्रिपदाचा राजीनामा दिला होता. मुंडे यांच्याकडे अन्न व नागरी पुरवठा खात्याची जबाबदारी होती. आता याच खात्याची जबाबदारी छगन भुजबळ यांना दिली जाऊ शकते, असं बोललं जात आहे.
