दक्षिण आफ्रिकेची अष्टपैलू खेळाडू आणि नुकतीच हिंदुस्थानात डी.वाय. पाटील मैदानावर झालेल्या महिला वर्ल्डकपची फायनल खेळलेली क्लोई-लेस्ली ट्रायॉन हिने तिची प्रेयसी मिशेल नटिवेल हिच्यासोबत साखरपुडा उरकून घेतला आहे.
क्लोई-लेस्ली ट्रायॉन हिने गुडघ्यावर बसून फिल्मी स्टाईलने मिशेल नटिवेल हिला प्रपोज केले आणि त्यानंतर तिच्या बोटामध्ये अंगठी घातली.
क्लोई-लेस्ली ट्रायॉन आणि मिचेल नटिवेल बऱ्याच काळापासून एकमेकींना डेट करत होत्या. अखेर 29 नोव्हेंबर रोजी दोघींनी साखरपुडा केला आणि याचे रोमॅण्टिक फोटो शेअर केले.
ट्रायॉन हिने आफ्रिकेकडून 3 कसोटी, 124 वन डे आणि 113 टी20 सामने खेळले आहेत. कसोटीत तिने 119 धावांसह 4 विकेट घेतल्या आहेत, तर वन डेमध्ये तिने 2292 धावा ठोकलेल्या आहेत. टी20 मध्ये तिने 1283 धावा आणि 39 विकेट्स घेतल्या आहेत.
मिचेल नटिवेल ही कोरिओग्राफर आणि डायरेक्टर आहे. तसेच ती व्हिडीओग्राफीही करते. टिकटॉकवर तिला 1 लाखांहून अधिक, तर इन्स्टाग्रामवर 50 हजारांहून अधिक लोक तिला फॉलो करतात.
View this post on Instagram
विशेष म्हणजे समलैंगिक विवाह करणारी ट्रायॉन ही आफ्रिकेची पहिलीच महिला क्रिकेटर नाही. याआधी आफ्रिकेची माजी कर्णधार डेन वेन निकेर्क आणि अष्टपैलू मेरीजन केप यांनीही समलैंगिक विवाह केला होता.
View this post on Instagram
