सोशल मीडिया प्लॅटफॉर्म इंस्टाग्रामवर दररोज नवीन गोष्टी पाहायला आणि ऐकायला मिळतात. एखादी गोष्ट ट्रेंडमध्ये आली की, हजारो यूजर्स ती गोष्ट फॉलो करतात. सध्या थंडीचे दिवस सुरू आहेत. त्यामुळे थंडीपासून बचाव करणारी ‘विंटर ईयर मफ्स’ म्हणजेच चुचू हेडफोन ट्रेंडमध्ये आला आहे. थंडीपासून बचाव करणाऱ्या या हेडफोनचा यूजर्संनी वेगळाच वापर करायला सुरुवात केली आहे. दोन्ही कानाला लावल्यानंतर या हेडफोनचा वेगवेगळ्या गाण्यासाठी वापर केला जात आहे. हा ट्रेंड अनेकांनी फॉलो केला आहे. अभिनेत्री रश्मिका मंदाना हिलाही याची भुरळ पडली असून तिनेही हा ट्रेंड करून पाहिला आहे. छोटी मुले-मुली, महिला इतपंच काय, तर काही आजीबाईंनीही हा ट्रेंड फॉलो केला आहे.
