महाराष्ट्र राज्य सहकारी बँकेचे प्रशासक विद्याधर अनास्कर यांनी लिहिलेल्या ‘गोष्ट रिझर्व्ह बँकेची’ या पुस्तकाचे सोमवारी मुख्यमंत्री देवेंद्र फडणवीस यांच्या हस्ते दिमाखात प्रकाशन झाले. आंतरराष्ट्रीय सहकार वर्षानिमित्त विधान भवनातील मंत्रिमंडळ सभागृहात आयोजित बैठकीपूर्वी या पुस्तकाचे प्रकाशन करण्यात आले. या वेळी सहकार मंत्री बाबासाहेब पाटील, अन्न व नागरी पुरवठा मंत्री छगन भुजबळ, कृषी मंत्री माणिकराव कोकाटे, अपारंपरिक ऊर्जा मंत्री अतुल सावे, पर्यावरण मंत्री पंकजा मुंडे, सहकार राज्यमंत्री पंकज भोयर तसेच राज्याचे मुख्य सचिव राजेशकुमार आदी उपस्थित होते.
1973पासून रिझर्व्ह बँकेचा इतिहास गोष्टरुपाने स्थानिक भाषेत विशद केलेले देशातील हे पहिलेच पुस्तक आहे. यामध्ये सर वॉरेन हॅस्टींग्सच्या काळापासून मध्यवर्ती बँकेची संकल्पना, त्याचा प्रवास, रिझर्व्ह बँकेचे बोधचिन्ह, रिझर्व्ह बँकेचे नामकरण इत्यादीपासून 1982पर्यंतचा इतिहास गोष्टरूपाने अत्यंत रोचक शब्दांत मांडला आहे. या पुस्तकाला अर्थतज्ञ डॉ. नरेंद्र जाधव यांची प्रस्तावना असून प्रकाशन राजहंस प्रकाशनने केले आहे.
