धाराशिव शहरातील भाजपचे नेते, माजी नगरसेवक तथा माजी शहराध्यक्ष संभाजी सलगर यांच्यासह कार्यकर्त्यांनी शिवसेना (उध्दव बाळासाहेब ठाकरे) पक्षात प्रवेश केला. खासदार ओमराजे निंबाळकर, आमदार कैलास पाटील, सहसंपर्कप्रमुख मकरंद राजेनिंबाळकर यांनी त्यांचे शिवसेनेत स्वागत केले.
हिंदुहृदयसम्राट शिवसेनाप्रमुख बाळासाहेब ठाकरे यांची विचारसरणी आणि उद्धव ठाकरे यांचे संवेदनशील नेतृत्व मान्य करत भाजपच्या कार्यकत्यांनी शिवसेनेच्या भगव्या झेंड्याखाली एकत्र येण्याचा निर्णय घेतला आहे.
यावेळी बोलताना संभाजी सलगर म्हणाले की, मी २०-२५ वर्षांपासून राणा पाटील यांच्याबरोबर काम करत आलो. मी कोणत्याही अपेक्षा न ठेवता त्यांच्यावर निष्ठा ठेवली. नगराध्यक्षपदाची संधी दिली नाही, पण किमान वॉर्डात तरी मला संधी मिळेल एवढी अपेक्षा मला होती. पण त्यांनी ती सुद्धा दिलेली नसल्याने माझ्या कार्यकर्त्यांनी हा निर्णय घेतल्याचे सलगर म्हणाले. खासदार ओमराजे निंबाळकर व आमदार कैलास पाटील यांचे हात बळकट करणार असून आघाडीच्या नगराध्यक्ष पदाच्या उमेदवार संगीता सोमनाथ गुरव यांना निवडून आणण्यासाठी शर्थीचे प्रयत्न करण्याचा मानस त्यांनी व्यक्त केला.
जिल्हाप्रमुख कैलास पाटील यांनी संभाजी सलगर यांना पक्षात सन्मानाचे स्थान मिळेल असा विश्वास दिला. त्यांच्या राजकीय अनुभवाचा निश्चित आम्हाला फायदा होणार असल्याचे आमदार पाटील म्हणाले.
सलगर यांच्यासोबत अजय नाईकवाडी, अविनाश शाबादे, महेश शिंदे, महाडिक, राहुल सलगर, देशमाने नंदकुमार, काकाजी अंकुश, राजेंद्र शिंदे, रामचंद्र कसबे, महेश नरवडे, विवेक मुळे, ऋषिकेश कपाळे, पोपट कासार, आर्यन सलगर, गौरव सलगर, भोलेनाथ मधुरकर, नागेश मधुरकर, नवनाथ शेरकर, लखन शेरकर यांनी शिवसेना पक्षात जाहीर प्रवेश केला.
यावेळी शिवसेना सचिव प्रवीण कोकाटे, सोमनाथ गुरव, संग्राम देशमुख, बाळासाहेब काकडे, रवी वाघमारे, तानाजी जाधवर, पंकज पाटील, अभिजित देशमुख, हनुमंत देवकते, सिद्धेश्वर कोळी, गणेश खोचरे, राज निकम, परवेज काझी, मनोज पडवळ, महेश लिमये, पंकज स्वामी, गफूर शेख आदी उपस्थित होते.
