अंडी ही आपल्या आरोग्यासाठी फार महत्त्वाची मानली जातात. उत्तम प्रथिनांसाठी अंडी खाणे हे सर्वात उपयुक्त मानले जाते. परंतु अंडी उकडताना मात्र काही काळजी घेणे हे खूप गरजेचे आहे. अनेकदा अंडी उकडताना ती फुटतात, त्यामुळे मग अंडी खाण्याचा मूड जातो. अंडी उकडताना ती फुटू नयेत म्हणून काही टिप्स लक्षात ठेवणे हे गरजेचे आहे.
अंडी उकडण्यासाठी ठेवताना नेहमी एक महत्त्वाची गोष्ट लक्षात ठेवावी. फ्रीजमधून काढलेली अंडी कधीही लगेच उकडवु नयेत. फ्रीजमधून काढलेली अंडी खोलीच्या तापमानावर ठेवावी. त्यानंतरच ती उकडवावी.
अंडे कधीही खूप गरम पाण्यामध्ये उकडण्यास ठेवू नये. नाहीतर अंडी फुटण्याचा धोका असतो.
अंडी उकडण्यासाठी खोलगट भांड्याचा वापर करावा. अंडी पाण्यात पूर्णपणे बुडायला हवीत.
अंडी उकडताना कायम गॅस मध्यम ठेवावा. भांड्याच्या बाहेर गॅस येणार नाही याची काळजी घ्यावी.
मऊ उकडलेले अंडे हवे असल्यास, किमान ६ ते ७ मिनिटे अंडी उकडवून घ्यावीत.
मध्यम उकडलेली अंडी हवी असल्यास किमान ९ ते १० मिनिटे अंडी उकडण्यास ठेवावीत.
कडक उकडलेले अंडे खायचे असल्यास १० ते १२ मिनिटे पुरेसे आहेत.
तुम्हाला हव्या त्या पद्धतीचे अंडे उकडल्यानंतर, ताबडतोब गॅस बंद करावा. त्यानंतर अंडी गरम पाण्यातून काढून थंड पाण्यात ठेवा. याला बर्फाचे स्नान असेही म्हणतात. यामुळे अंडी सोलणे सोपे होते. तसेच अधिक काळ गरम पाण्यात अंडी ठेवल्यास, अंडी रबरासारखी कडक होतात.
उकडताना अंडी वारंवार फुटत असतील तर, पाण्यात मीठ टाकून अंडी उकडवावीत.
