अमेरिकेचे राष्ट्राध्यक्ष डोनाल्ड ट्रम्प यांनी हिंदुस्थानी औषध उत्पादनांवर 250 टक्के कर लादण्याची धमकी दिली आहे. ट्रम्प यांनी सीएनबीसीला दिलेल्या मुलाखतीत म्हटले आहेत की, ते सुरुवातीला औषधांवर कमी कर लादतील, परंतु नंतर तो 150 टक्के आणि नंतर दीड वर्षात 250 टक्क्यांपर्यंत वाढवतील.
डोनाल्ड ट्रम्प म्हणाले की, आम्हाला आमच्या देशातच औषधे बनवायची आहेत. अमेरिका औषध उत्पादनांसाठी परदेशी देशांवर, विशेषतः हिंदुस्थान आणि चीनवर खूप अवलंबून आहे. या शुल्काचा हिंदुस्थानी औषध क्षेत्रावर वाईट परिणाम होऊ शकतो.
दरम्यान, हिंदुस्थान हा अमेरिकेसाठी औषधांचा मोठा पुरवठादार देश आहे. 2024-25 मध्ये हिंदुस्थानने अमेरिकेला 9.8 अब्ज डॉलर्स (सुमारे 86,200 कोटी रुपये) किमतीची औषधे निर्यात केली. ट्रम्प यांच्या या धोरणामुळे हिंदुस्थानी औषध कंपन्यांचे उत्पन्न आणि नफ्यावर परिणाम होऊ शकतो. यापूर्वी जून 2025 मध्ये ट्रम्प यांनी औषधांवर कर लादण्याचे संकेत दिल्याने हिंदुस्थानी फार्मा कंपन्यांचे शेअर्स 4 टक्क्यांनी घसरले होते. ग्रॅन्युल्स इंडिया, ल्युपिन, नॅटको फार्मा आणि औरोबिंदो फार्मा यांसारख्या कंपन्यांचे शेअर्स टक्क्यांनी, तर लॉरस लॅब्स आणि डॉ. रेड्डीज लॅबोरेटरीज यांचे शेअर्स 3 टक्क्यांपेक्षा जास्त घसरले होते.
