ऑनलाइन बेटिंग अॅप प्रकरणात माजी हिंदुस्थानी क्रिकेटपटू युवराज सिंग आणि रॉबिन उथप्पा यांना समन्स बजावण्यात आले आहे. अंमलबजावणी संचालनालय म्हणजेच ईडीने दोघांनाही नोटीस पाठवून चौकशीसाठी बोलावले आहे. सूत्रांनी दिलेल्या माहितीनुसार, ईडीने उथप्पाला २२ सप्टेंबर रोजी चौकशीसाठी बोलावले आहे, तर युवराज सिंगला २३ सप्टेंबर रोजी बोलावले आहे. दोन्ही क्रिकेटपटूंची दिल्लीतील ईडी मुख्यालयात चौकशी केली जाईल असेही सांगण्यात आले.
युवराज सिंग आणि रॉबिन उथप्पा या दोन माजी क्रिकेटपटूंची ऑनलाइन बेटिंग अॅप प्रकरणात चौकशी करण्यात येणार आहे. फक्त युवराज आणि उथप्पा नाही तर, याआधी सुरेश रैना आणि शिखर धवन यांनाही या संदर्भात समन्स बजावण्यात आले आहे.
