शालेय शिक्षणात पहिलीपासून हिंदी सक्ती लादणाऱ्या सरकारी आदेशाची रविवारी दुपारी आझाद मैदानात ‘होळी’ करण्यात आली. या आंदोलनातून मराठी माणसाच्या एकजुटीची वज्रमूठ दिसून आली. या आंदोलनात शिवसेना (उद्धव बाळासाहेब ठाकरे) पक्षप्रमुख उद्धव ठाकरे, शिवसेना नेते, युवासेनाप्रमुख आदित्य ठाकरे, शिवसेना नेते, खासदार संजय राऊत यांच्यासह अनेक नेते उपस्थित होते. महाराष्ट्रात सक्तीने हिंदी भाषा लादणे खपवून घेतले जाणार नाही, असा इशारा आदित्य ठाकरे यांनी दिला आहे.
The anti- Maharashtra BJP government has made it compulsory for 1st standard students to learn a 3rd language- Hindi.
The language imposition will not be tolerated in Maharashtra, and more so, beyond politics, it is absolute stupidity to impose this load on such young children.… pic.twitter.com/jf90kn3OqR
— Aaditya Thackeray (@AUThackeray) June 29, 2025
याबाबत एक्सवर केलेल्या पोस्टमध्ये त्यांनी म्हटले आहे की, महाराष्ट्रविरोधी भाजप सरकारने पहिलीच्या विद्यार्थ्यांना तिसरी भाषा – हिंदी – शिकणे सक्तीचे केले आहे. महाराष्ट्रात सक्तीने हिंदी भाषा लादणे खपवून घेतले जाणार नाही आणि राजकारणापलीकडे जाऊन, अशा लहान मुलांवर हा भार लादणे हा पूर्णपणे मूर्खपणा आहे. महाराष्ट्रातील शाळांमध्ये पहिलीच्या वर्गात तिसरी भाषा सक्तीच्या करण्याचा जीआर आम्ही आज जाळला. कोणतीही नवीन भाषा/विषय पाचवीच्या पुढे असलेल्या विद्यार्थ्यांची निवड असली पाहिजे आणि कोणतीही भाषा सक्तीने लादणे सहन केले जाणार नाही, असा इशारा त्यांनी दिला आहे.
