जानेवारी महिन्यात झालेल्या मोठ्या घसरणीनंतर आता सोने-चांदी वधारत आहे. गेल्या काही दिवसात सोन्या-चांदीत चढउतार होत आहेत. सोमवारी सोने आणि चांदीचे दर झपाट्याने वाढले आहेत. सोमवारी चांदीच्या किमती 15,000 रुपयांपेक्षा जास्त तर सोने 3000 रुपयांनी वाढले आहे. सोने आणि चांदीच्या किमती पुन्हा एकदा मोठी वाढ पाहायला मिळत आहेत. RBI बोर्डासोबत झालेल्या बैठकीत अर्थमंत्री निर्मला सीतारमण यांनी सोने आणि चांदीच्या किमती वाढण्यामागील मुख्य कारण स्पष्ट केले आणि सांगितले की काळजीचे कोणतेही कारण नाही. RBI चीही यादवाढीवर नजर असून या दरवाढीचे कारण स्पष्ट करण्यात आले आहे.
वित्तमंत्री निर्मला सीतारमण आणि रिझर्व्ह बँकेचे गव्हर्नर संजय मल्होत्रा यांनी सोने आणि चांदीच्या किमतीत अलिकडच्या काळात झालेल्या तीव्र वाढीवर चर्चा केली. अर्थमंत्र्यांनी सांगितले की सोने आणि चांदीच्या किमतीत झालेल्या वाढीवर बारकाईने लक्ष ठेवले जात आहे, सध्या काळजीचे कोणतेही कारण नाही. आपल्याला असे वाटत नाही की सोन्याच्या किंमतीने चिंताजनक पातळी गाठली आहे. खरेदी अद्याप एका विशिष्ट मर्यादेपेक्षा जास्त झालेली नाही आणि आरबीआय परिस्थितीवर सतत लक्ष ठेवून आहे.
जगभरातील केंद्रीय बँका मोठ्या प्रमाणात सोने आणि चांदी खरेदी करत आहेत आणि त्यांच्या साठ्यात ते भरत आहेत या वस्तुस्थितीवर त्यांनी लक्ष केंद्रित केले. पूर्वी जागतिक सोन्याचे दर प्रामुख्याने हिंदुस्थान आणि चीनसारख्या देशांकडून होणाऱ्या उच्च मागणीमुळे प्रभावित होत होते. मात्र, सध्याची वाढ प्रामुख्याने केंद्रीय बँकांकडून होणाऱ्या खरेदी आणि साठवणुकीमुळे आहे. ही जागतिक खरेदी सामान्य बाजारातील चढउतारांपेक्षा किमती वाढवत आहे, असे त्यांनी सांगितले. जागतिक अनिश्चितता, चलन अस्थिरता आणि शेअर बाजारातील तीव्र चढउतारांपासून बचाव करण्यासाठी गुंतवणूकदार सोने-चांदीच्या गुंतवणुकीकडे वळत आहे. अमेरिका-इराण तणाव आणि अमेरिकेचे अध्यक्ष डोनाल्ड ट्रम्प यांच्या नवीन टॅरिफ धमक्यांमुळे देशांतर्गत आणि आंतरराष्ट्रीय बाजारात सोन्याच्या किमती वाढतच आहेत.
मल्टी कमोडिटी एक्सचेंजवर 5 मार्च रोजी एक्सपायरी डेट असलेल्या चांदीचा भाव शुक्रवारीच्या बंद असलेल्या २,५२,९४४ रुपयांवरून २,६८,८७५ रुपये प्रति किलोग्रॅमवर पोहोचला. परिणामी, चांदीच्या किमतीत एकाच वेळी १५,९३१ रुपयांची वाढ झाली. सोन्याबद्दल बोलायचे झाले तर, पहिल्याच व्यवहाराच्या दिवशी तो आणखी महाग झाला. एमसीएक्सवर 2 एप्रिल रोजी एक्सपायरी असलेल्या सोन्याचा दर सोमवारी झपाट्याने वाढून १,६०,६०० रुपयांवर पोहोचला, जो मागील बंद असलेल्या १,५६,८७६ रुपयांच्या तुलनेत सुमारे 3000 ने वाढला होता.
