खासदार शरद पवार यांनी डबल महाराष्ट्र केसरी हर्षवर्धन सदगीरला १२ लाख रुपयांची शिष्यवृत्ती, तर काका पवार यांच्या पुण्यातील आंतरराष्ट्रीय क्रीडा संकुलासाठी ५० लाख रुपयांचे बक्षीस दिले आहे. मुंबईत हर्षवर्धन सदगीरसह अर्जुन पुरस्कारविजेते काका पवार यांनी शरद पवार यांची भेट घेतली. हर्षवर्धन सदगीरचे कौतुक करीत त्याला आगामी स्पर्धेच्या तयारीसाठी पुढील २ वर्षांसाठी १२ लाखांचा शिष्यवृत्ती धनादेश दिला आहे. याचबरोबर काका पवार यांच्या आंतरराष्ट्रीय क्रीडा संकुलला ५० लाखांचे आर्थिक साहाय्य दिले आहे.
