कडुलिंब हे भारतीय घराघरात आढळणारे औषधी झाड आहे. कडुलिंबात अँटीबॅक्टेरियल, अँटीफंगल आणि अँटीऑक्सिडंट गुणधर्म असल्यामुळे तो सौंदर्यासाठी अत्यंत उपयुक्त मानला जातो. कडुलिंबाचं पूर्ण झाडाचा काही ना काही उपयोग हा होतोच. खासकरून याच्या लहान काड्या या दातुन म्हणजेच दात घासण्यासाठी देखील वापरल्या जातात. सौंदर्याच्या दृष्टीने कडुलिंब हा फारच महत्त्वाचा मानला जातो
कडुलिंबाची पाने वाटून त्याचा लेप चेहऱ्यावर लावल्यास मुरुमे कमी होण्यास मदत होते. त्यातील जंतुनाशक गुणधर्म त्वचेवरील बॅक्टेरिया नष्ट करतात. आठवड्यातून 2–3 वेळा हा लेप लावल्यास त्वचा स्वच्छ आणि तजेलदार दिसते.
कडुलिंबाची पावडर, हळद आणि गुलाबपाणी एकत्र करून फेसपॅक तयार करता येतो. हा पॅक त्वचेवरील डाग, काळेपणा आणि अतिरिक्त तेलकटपणा कमी करतो. नियमित वापराने त्वचा स्वच्छ आणि मऊ राहते.
कडुलिंबाची पाने उकळून त्या पाण्याने केस धुतल्यास कोंडा कमी होतो. तसेच टाळूवरील खाज आणि संसर्ग कमी होतो. कडुलिंब तेल केसांच्या मुळांना बळकटी देते आणि केस गळणे कमी करण्यास मदत करते.
खाज, अॅलर्जी किंवा पुरळ असल्यास कडुलिंबाचा लेप लावल्याने आराम मिळतो. त्याचे अँटीफंगल गुण त्वचेचे संरक्षण करतात.
कडुलिंबाचे उकळलेले पाणी चेहरा धुण्यासाठी वापरल्यास ते नैसर्गिक क्लेन्सरचे काम करते. त्यामुळे त्वचेतील घाण आणि तेलकटपणा दूर होतो.
कडुलिंब हा रासायनिक पदार्थांपेक्षा सुरक्षित आणि नैसर्गिक पर्याय आहे. मात्र अतिसंवेदनशील त्वचा असल्यास वापरण्यापूर्वी चाचणी करणे आवश्यक आहे. योग्य पद्धतीने आणि नियमित वापर केल्यास कडुलिंब त्वचा व केसांसाठी प्रभावी सौंदर्यवर्धक ठरतो.
