हिंदुस्थान आणि पाकिस्तानमध्ये युद्धजन्य परिस्थिती निर्माण झाली आहे. ‘ऑपरेशन सिंदूर’नंतर पाकिस्तानने हिंदुस्थानवर हवाई हल्ल्याचा प्रयत्न केला, यामुळे परिस्थिती आणखी चिघळली आहे. दोन्ही देशांमधील वाढत्या तणावाच्या पार्श्वभूमीवर इन्स्टिट्यूट ऑफ चार्टर्ड अकाऊंट्स ऑफ इंडियाने (आयसीएआय) सीएच्या सर्व परीक्षा पुढे ढकण्याचा निर्णय घेतला आहे.
देशातील सध्याची तणावपूर्ण परिस्थिती पाहता आणि सुरक्षेची चिंता लक्षात घेऊन 9 मे ते 14 मे 2025 या काळात होणारे सीए फायनल, इंटर मीडिएट आणि पोल्ट क्वालिफिकेशन कोर्सचे (इंटरनॅशनल टॅक्सेशन असेसमेंट टेस्ट – आयएनटीटी एटी) उर्वरित पेपर पुढे ढकण्यात आले आहेत, आयसीएआयने स्पष्ट केले. परीक्षेसाठी पात्र उमेदवारांनी अधिक माहितीसाठी www.icai.org ही वेबसाईट वेळोवेळी पहावी, असेही स्पष्ट करण्यात आले आहे.
Institute of Chartered Accountants of India – ICAI tweets, “Important Announcement-In view of the tense security situation in the Country, the remaining papers of CA Final, Intermediate & PQC Examinations [International Taxation–Assessment Test (INTT AT)] May 2025 from 9th May… pic.twitter.com/BdMEPf8LMe
— ANI (@ANI) May 9, 2025
दरम्यान, मागील वेळापत्रकानुसार सीएच्या परीक्षांच्या तारखा 2 ते 14 मे दरम्यान नियोजित होत्या. सीए इंटरमिजिएट परीक्षेत ग्रुप-1 चे पेपर 1, 5 आणि 7 मे रोजी होणार होते, तर ग्रुप-2 चे पेपर 9, 11 आणि 14 मे रोजी होणार होते. तसेच सीए अंतिम परीक्षेच्या ग्रुप-1 चे पेपर 2, 4 आणि 6 मे रोजी, तर ग्रुप-2 चे पेपर 8, 10 आणि 13 मे रोजी होणार होते.
इंटरमिजिएट अभ्यासक्रमांच्या परीक्षा दररोज दुपारी 2 ते 5 या वेळेत होणार होत्या, तर अंतिम अभ्यासक्रमाच्या परीक्षचे पेपर 1 ते 5 साठी दुपारी 2 ते सायंकाळी 5 पर्यंत वेळ देण्यात आली होती, तर पेपर 6 साठी 2 ते सायंकाळी 6 वाजेपर्यंत वेळ देण्यात आली होती. मात्र आता या परीक्षाच पुढे ढकण्यात आल्या आहेत.
