मधुकर दरेकर, पॉवरलिफ्टिंग
फिटनेस म्हणजे? – आरोग्य उत्तम राहण्यासाठी केला जाणारा व्यायाम.
पॉवरलिफ्टिंग की आरोग्य? – सगळ्यात आधी आरोग्य. कारण ते उत्तम असेल तरच कोणताही खेळ खेळता येतो. पॉवरलिफ्टिंग हा खेळ सर्व खेळांसाठी चांगला आहे.
डाएट की जीवनशैली? – जीवनशैली. ती जर का नीट असेल तर डाएट नीट होईल.
सामान्य माणसासाठी फिटनेस? – अर्धा तास चालणे, फ्रीहॅण्ड एक्सरसाइज करणे आवश्यक आहे.
व्यायाम कसा करावा? – प्रत्येकाने आवडेल, जमेल असाच व्यायाम करावा. आवश्यक त्या खेळाला पूरक असा व्यायाम करावा.
व्यायाम आणि डाएट समतोल कसा राखता? – खेळाच्या स्पर्धा करायच्या असतील तर तसा व्यायाम आणि त्या खेळासाठी आवश्यक डाएट करावा.
पॉवरलिफ्टिंग म्हणजे दिसणं, आरोग्य की स्पर्धा? – सगळ्यात आधी आरोग्य… ते उत्तम असेल तर पॉवरलिफ्टिंग खेळता येते आणि आपल्या चांगल्या कामगिरीतून दिसणं हे येतंच.
दिवसातून किती पाणी प्यावे? – पाणी सर्वांनीच प्यायला हवे. दिवसभरात किमान चार लिटर पाणी प्यावे.
व्यायामाला किती वेळ देता? – दोन तास.
जिमला जायला न मिळाल्यास काय करता? – घरीच एक तास फ्रीहॅण्ड एक्सरसाइज आणि वेगवेगळी आसने करतो.
बाहेर गेल्यावर डाएट कसा सांभाळता? – बाहेर गेल्यावर तेलकट, मसालेदार पदार्थ खात नाही. फळं, सॅलेड आणि शाकाहारी जेवणावर भर देतो.
कोणता पदार्थ नियमित खाता? – दूध, खजूर, पालेभाज्या, कडधान्ये, ड्रायफ्रुट्स.
फिटनेस मंत्र – प्रत्येकाने व्यायाम केलाच पाहिजे. व्यायाम तुम्हाला जमेल तो करा, आपल्या वयाप्रमाणे त्याचा सराव करा. रोज एक तास व्यायाम करा आणि शक्यतो घरगुती पदार्थ खावेत.
