
पुण्यामध्ये झालेल्या लढतीत अखेरच्या टी-20 लढतीमध्ये टीम इंडियाने 78 धावांनी विजय मिळवत मालिकेत 2-0 असे निर्भेळ यश मिळवले आणि नववर्षाची सुरुवात मालिका विजयाने केली. टीम इंडियाने दिलेल्या 202 धावांच्या आव्हानाचा पाठलाग करताना श्रीलंकेचा संघ अवघ्या 123 धावांमध्ये गारद झाला. श्रीलंकेकडून धनंजय डीसिल्वाने सर्वाधिक 57 धावांची खेळी केली.
हिंदुस्थानने दिलेल्या 202 धावांचा पाठलाग करताना श्रीलंकेची सुरुवात खराब झाली. श्रीलंकने 4 पलंदाज 50 धावांच्या आत गमावले. यांनतर मॅथ्यूज आणि डीसिल्वाने डाव सावरण्याचा प्रयत्न केला. दोघांमध्ये 50 धावांची भागिदारी झाली. मात्र मॅथ्यूज 31 धावांवर बाद झाल्यानंतर हिंदुस्थानच्या धारधार गोलंदाजीपुढे श्रीलंकेचा एकही फलंदाज तग धरू शकला नाही. टीम इंडियाकडून नवदीप सैनीने सर्वाधिक 3, शार्दुल ठाकूर आणि वाशिंग्टन सुंदरने प्रत्येकी 2 आणि बुमराहने 1 बळी मिळवला.
Another clinical display from #TeamIndia to clinch the series #INDvSL pic.twitter.com/t2sABuvgAB
— BCCI (@BCCI) January 10, 2020
त्याआधी प्रथम फलंदाजी करताना टीम इंडियाने श्रीलंकेपुढे 202 धावांचे आव्हान ठेवले. लोकेश राहुल (54) आणि शिखर धवन (52) यांनी दिलेली 97 धावांची दमदार सलामी आणि मनिष पांडे व शार्दुल ठाकूरने अखेरच्या षटकांमध्ये केलेल्या फटकेबाजीच्या जोरावर टीम इंडियाने प्रथम फलंदाजी करताना 20 षटकात 6 बाद 201 धावा केल्या. शार्दुल 8 चेंडूत 22 आणि मनिष पांडे 26 धावांवर नाबाद राहिला.




























































