हिंदुस्थानची चालण्याच्या शर्यतीतील अॅथलिट प्रियंका गोस्वामी हिने इन्सब्रुकमधील ‘ऑस्ट्रियन रेस वॉकिंग चॅम्पियनशिप’मध्ये महिलांच्या 10 किलोमीटर शर्यतीत सुवर्णपदक जिंकले. प्रियंकाने 47 मिनिटे 54 सेपंद वेळेसह या शर्यतीत बाजी मारली. तिने 20 किलोमीटर शर्यतीत एक तास 28.45 सेपंद वेळेसह राष्ट्रीय विक्रम केलेला आहे.
प्रियंका गोस्वामीची 10 किलोमीटर चालण्याच्या शर्यतीतील वैयक्तिक सर्वोत्तम कामगिरी 45 मिनिटे 47 सेकंद इतकी आहे. 2022मध्ये तिने ही सर्वोच्च वेळ नोंदविली होती. ‘मी एक मिनिटाच्या पेनल्टीनंतरही सुवर्णपदक जिंकण्याची किमया केली,’ असे प्रियंकाने शर्यतीनंतर सोशल मीडियावर केलेल्या पोस्टमध्ये म्हटले आहे. मे महिन्यात मेलबर्नमध्ये झालेल्या ‘अॅथलेटिक्स व्हिक्टोरिया वॉकिंग चॅम्पियनशिप’मध्ये दुसरे स्थान मिळविले होते.
