दुबईहून हैदराबादला जाणाऱ्या विमानात हवाई सुंदरीसोबत गैरवर्तन करणाऱ्या एका प्रवाशाला अटक करण्यात आली आहे. प्रवासादरम्यान या व्यक्तीने हवाई सुंदरीला चुकीच्या पद्धतीने स्पर्श केल्याचा आरोप आहे. सध्या पोलीस पुढील चौकशी करत आहेत.
कॅबिन क्रूने दिलेल्या तक्रारीनुसार, सदर व्यक्ती हा केरळचा रहिवाशी आहे. शुक्रवारी विमानाने प्रवास करत असताना या व्यक्तीने हवाई सुंदरीची छेड काढण्याचा प्रयत्न केला. हवाई सुंदरी आपलं काम करत असताना त्या व्यक्तीने हवाई सुंदरीला चुकीच्या पद्धतीने स्पर्श करण्याचा प्रयत्न केल्याचे RGI विमानतळावरील पोलीस अधिकारी कनकैया समपती यांनी सांगितले.
दरम्यान या प्रवाशाने मद्यपान केल्याचे देखील आढळून आल्य़ाचे कॅबिन क्रू मेंबर्सने सांगितले. विमानाचे लॅंण्डींग झाल्यानंतर वरिष्ठांना ही माहिती देण्यात आली. दरम्यान य़ा प्रकरणावर सारवासारव करण्यासाठी त्या व्यक्तीने त्याचा पासपोर्ट हरवल्याचे सांगितले. जेव्हा स्टाफ मेंबर्स पासपोर्ट शोधण्यासाठी परत विमानात गेले तेव्हा त्यांना तेथे एक चिठ्ठी आढळून आली. यामध्ये त्या नराधमाने अश्लिल भाषेत क्रू मेंबर्ससाठी टिप्पणी करण्यात आली होती.
दरम्यान क्रू मेंबर्सने केलेल्या तर्कारीवरून आरोपीला अटक करण्यात आली आहे. तसेच त्यांच्यावर अनेक कलमांअंतर्गत गुन्हा दाखल करण्यात आला आहे.
