कोल्हापुरात गेल्या 24 तासात 702 नवे कोरोना पाॅझीटिव्ह रुग्ण आढळले. जिल्ह्यात इतक्या मोठ्या संख्येने प्रथमच एवढे रूग्ण आढळल्याने प्रशासकीय यंत्रणेच्या चिंतेत भर पडली आहे. जिल्ह्यात आजअखेर एकूण बाधितांची संख्या 8 हजार 416 झाली आहे.
कोरोनामुक्त झालेल्या 162 जणांना दिवसभरात घरी सोडण्यात आले आहे. तर आतापर्यंत एकूण 3 हजार 611 कोरोना- मुक्तांना डिस्चार्ज देण्यात आला आहे. शिवाय गेल्या चोवीस तासांत 12 जणांचा व आतापर्यंत 228 बाधीतांचा मृत्यू झाला असुन, सध्या एकूण 4 हजार 576 पॉझीटिव्ह रुग्णांवर उपचार सुरू असल्याची माहिती जिल्हा आरोग्य यंत्रणेकडुन मिळाली.
आज आढळलेल्या 702 पॉझीटिव्ह अहवालांमध्ये कोल्हापूर शहर 188, इंचलकरंजीसह इतर नगरपरिषद क्षेत्रात 140, हातकणंगले-70, करवीर-61, राधानगरी- 47, शाहुवाडी-46, शिरोळ- 45, भुदरगड-35, आजरा-16, चंदगड, गगनबावडा आणि पन्हाळा प्रत्येकी 12 असे नवे कोरोना रुग्ण मोठ्या प्रमाणात आढळुन आले आहेत.
