मेडिटेशन शरीर आणि मनाशी संबंधित समस्या दूर करण्यास मदत करते. मेडिटेशन दिवसा आणि रात्री दोन्ही वेळी केले जाते. रात्री केलेल्या मेडिटेशनला झोपण्याच्या वेळी केलेले ध्यान असे म्हणतात. रात्री झोपण्यापूर्वी मेडिटेशन केल्याने रक्तदाब सामान्य होतो. तसेच आपल्या हृदयाची गती देखील सामान्य होते. आपले वजन कमी करण्यासही मदत होते. त्यामुळेच मानसिक ताण कमी करण्यासाठी झोपण्याच्या वेळी मेडिटेशन करणे फायदेशीर मानले जाते. झोपण्याच्या वेळी मेडिटेशन करण्याचे इतर फायदे आणि ध्यान करण्याची पद्धत जाणून घेऊ.
रात्री मेडिटेशन करण्याची योग्य पद्धत
स्वच्छ जागी बसा आणि खोली थोडीशी अंधारी ठेवा.
डोळे बंद करून दीर्घ श्वास घ्या आणि श्वास सोडा. शरीर मोकळे सोडा.
तुमच्या श्वासावर लक्ष केंद्रित करा आणि प्रक्रिया पुन्हा करा.
तुमच्या मनातील चिंता विसरून जा.
तुम्ही दररोज ३० मिनिटे ध्यान करण्याचा प्रयत्न करू शकता.
रात्री मेडिटेशन करण्यासाठी तुम्ही संगीताची मदत घेऊ शकता. संगीताच्या मदतीने ताण कमी होतो. संगीत ऐकल्याने लय निर्माण होण्यासही मदत होते.
Foot Massage Benefits- आरोग्यासाठी पादाभ्यंग थेरपी आहे वरदान, वाचा सविस्तर
झोपण्याआधी मेडिटेशन करण्याचे फायदे
रात्री झोपण्यापूर्वी मेडिटेशन केल्याने शरीरात मेलाटोनिनची पातळी वाढते.
मेलाटोनिनची पातळी वाढल्याने ताण कमी होतो. अशाप्रकारे चिंता कमी करण्यास मदत होते.
झोपण्याच्या वेळी मेडिटेशन केल्याने डोकेदुखी आणि स्नायूंच्या ताणापासूनही आराम मिळतो.
तुम्ही लवकर उठलात किंवा नीट झोपू शकत नसाल तर, रात्री झोपण्यापूर्वी मेडिटेशन करणे फायदेशीर ठरते.
रात्री मेडिटेशन केल्याने वाढलेले हृदयाचे ठोके कमी होण्यास मदत होते.
रात्री मेडिटेशन केले तर रक्तदाब नियंत्रित करण्यास मदत होते.
ज्यांना जास्त काम करावे लागते त्यांनी रात्री झोपण्यापूर्वी मेडिटेशन करावे.
