आधारकार्ड आता सरकारी कामासोबत खासगी कामासाठीसुद्धा खूपच आवश्यक झाले आहे. आधारकार्ड हरवले तर काय करावे हे अनेकांना कळत नाही. त्यांच्यासाठी या खास सोप्या टिप्स.
आधारकार्ड हरवल्यास सर्वात आधी आधार नोंदणी केंद्राला भेट द्या. तुमचा आधार क्रमांक ईआयडी माहिती असल्यास तो सांगा. पडताळणीनंतर ई-आधारची प्रिंट मिळेल.
यूआयडीएआयच्या वेबसाईटवर जाऊन डय़ुप्लिकेट आधारकार्डसाठी अर्ज करता येऊ शकतो. आधार क्रमांक किंवा मोबाईल क्रमांक वापरून अर्ज करू शकता.
आधारकार्डसाठी टोल फ्री हेल्पलाईन नंबरवरसुद्धा संपर्क साधू शकता. यासाठी वेबसाईटवर नोंदणीकृत मोबाईल नंबर किंवा ई-मेल आयडी नंबर असणे आवश्यक आहे.
नवीन आधारकार्डसाठी अर्ज केल्यानंतर तुम्हाला नवे आधारकार्ड मिळेल. वेबसाईटवरून डय़ुप्लिकेट आधारकार्ड डाऊनलोड करू शकता. यासाठी तुम्हाला मोबाईलवर एक ओटीपी येईल.
