हजारो कोटींच्या संपत्तीचे मालक असणारे हिंदुस्थानी वंशाचे मलेशियन उद्योजक आणि पेट्रा ग्रुपचे अध्यक्ष विनोद शेखर यांच्यावर लंडनमध्ये जीवघेणा हल्ला झाला आहे. दोन अज्ञात हल्लेखोरांनी त्यांच्यावर धारदार शस्राने वार केला. यात त्यांच्या छाती आणि मांडीला दुखापत झाली आहे. विनोद शेखर यांची पत्नी विंनी येप यांनी दुर्गावतार धारण करत हल्लेखोरांना भिडल्या, यामुळे हल्लेखोरांनी घटनास्थळावरून पळ काढला. विनोद शेखर यांनी स्वत: फेसबूक पोस्ट करून या घटनेची माहिती दिली आहे.
विनोद शेखर हे मुलगी तारा हिच्या लंडनमधील अपार्टमेंटबाहेर कार पार्क करत होते. याचवेळी अज्ञात हल्लेखोरांनी त्यांच्यावर हल्ला केला. हल्लेखोरांनी छाती, मांडीवर वार करत हातातील घड्याळ हिसकावले.
गेल्या वर्षी हिंदुस्थानात माझी हृदय प्रत्यारोपण शस्त्रक्रिया झाल्याने त्यांना रोखण्याची ताकद माझ्यात नव्हती. मात्र माझ्या पत्नीने सिंहीणीप्रमाणे त्यांच्यावर उडी घेतली आणि बॅग फिरवत त्यांच्याशी सामना केला. यामुळे हल्लेखोर घाबरले आणि दुचाकीवरून पळून गेले. या हल्ल्यात मला थोडी दुखापत झाली, रक्तस्त्रावही झाला, असे विनोद शेखर यांनी फेसबुक पोस्टमध्ये म्हटले.
बातमी अपडेट होत आहे…
