यंदाची ‘मिस वर्ल्ड’ स्पर्धा हैदराबाद येथे पार पडत आहे. स्पर्धेची अंतिम फेरी 31 मे रोजी होणार आहे. अशातच ‘मिस इंग्लंड’ मिला मॅगी स्पर्धेतून निघून गेली आहे. मॅगीची जागा मिस इंग्लंडची उपविजेती शार्लोट ग्रँटने घेतली आहे. स्पर्धेबाहेर पडताना मॅगीने ‘मिस वर्ल्ड’च्या आयोजकांवर गंभीर आरोप केले. यामुळे वाद निर्माण झाला. यानंतर ‘मिस वर्ल्ड’च्या आयोजकांनी निवेदन जारी करत मॅगीच्या आईची तब्बेत बिघडल्याने तिने स्पर्धा सोडल्याचे सांगितले.
‘मिस वर्ल्ड’च्या फायनान्सर्सशी संबंध प्रस्थापित करण्यासाठी माझ्यावर दबाव टाकला जात असल्याचा आरोप मॅगीने केला. ‘मिस वर्ल्ड’च्या सीईओ ज्युलिया मोर्ले यांनी मॅगीचे आरोप फेटाळून लावत शनिवारी अधिकृत निवेदन जारी केले. जुलीया म्हणाल्या, दुर्दैवाने आम्हाला कळले आहे की, ब्रिटनच्या माध्यमांनी खोट्या आणि बदनामीकारक बातम्या प्रकाशित केल्या आहेत. हे दावे पूर्णपणे खोटे आहेत.
