रिलायन्स इंडस्ट्रीजचे सर्वेसर्वा मुकेश अंबानी यांनी ज्या कॉलेजमध्ये शिक्षण घेतले त्या मुंबईतील इन्स्टिटय़ूट ऑफ केमिकल टेक्नॉलॉजी (आयसीटी) कॉलेजला 151 कोटी रुपयांची देणगी दिली आहे. मुकेश अंबानी 1970 मध्ये या कॉलेजमधून पदवीधर म्हणून बाहेर पडले होते. काल शुक्रवारी आयसीटी कॉलेजमध्ये पद्मभूषण, प्राध्यापक एमएम शर्मा यांच्या ‘डिव्हाईन सायंटिस्ट’ या आत्मचरित्राच्या पुस्तक प्रकाशनासाठी आयोजित एका विशेष कार्यक्रमात मुकेश अंबानी उपस्थित होते. प्रोफेसर शर्मा आणि जे. बी. जोशी हे मुकेश अंबानीचे प्राध्यापक होते, याची आठवण मुकेश अंबानी यांनी कार्यक्रमात बोलताना करून दिली. अन्य देशांच्या संस्कृतीमध्ये गुरू हा फक्त शिक्षक असतो, परंतु भारतीय संस्कृतीत ‘गुरू ब्रह्मा आहे, गुरू विष्णू आहे, गुरू महेश्वर आहे’ असे मुकेश अंबीनी यांनी आपल्या भाषणात म्हटले आहे.
शिव नाडर सर्वात मोठे दानशूर
मुकेश अंबानी आणि त्यांच्या कुटुंबाने 2023-24 या आर्थिक वर्षात तब्बल 407 कोटी रुपयांची देणगी दिलीय, तर शिव आणि त्यांच्या कुटुंबाने गेल्या वर्षी म्हणजेच 2023-24 या आर्थिक वर्षात 2,153 कोटी रुपये दान केले. म्हणजेच त्यांनी दररोज 5.90 कोटी रुपये दान केले. याचाच अर्थ शिव नाडर हे देशातील सर्वात मोठे दानशूर आहेत. मुकेश अंबानी हे आशिया खंडातील सर्वात श्रीमंत व्यक्ती आहेत, तर शिव नाडर हे जगातील 52 व्या क्रमांकाचे श्रीमंत व्यक्ती आहेत.
