वारकरी संप्रदायाच्या वैचारिक ऐश्वर्याचे दर्शन मुंबईकर आणि मुंबईत येणाऱ्या परदेशी पर्यटकांना घडावे यासाठी गेली 26 वर्ष सुरू असणारा पांडुरंगाचा पालखी सोहळा यावर्षी 4 जानेवारी 2026 रोजी होणार आहे. राम मंदिर ते वडाळा विठ्ठल मंदिर या दरम्यान होणाऱया या पालखी सोहळ्याच्या आयोजनाची बैठक रविवारी राम मंदिर कॉटन ग्रीन येथे पार पडली.
श्री वारकरी प्रबोधन समितीच्या वतीने गेली 26 वर्षे मुंबईत पांडुरंगाच्या पालखी सोहळ्याचे आयोजन केले जाते. आळंदी ते पंढरपूर पालखी सोहळ्यादरम्यान जे उपक्रम होतात ते सर्व उपक्रम या पालखी सोहळ्यात होतात. ज्यांना आषाढी वारीमध्ये सहभागी होता येत नाही ते सर्व वारकरी मुंबईतील पालखी सोहळ्यामध्ये सहभागी होतात. सात दिवस कीर्तन महोत्सव, संत संमेलन, घोडयाचे गोल रिंगण आणि पालखी सोहळा असे या संमेलनाचे स्वरूप असते.
यावर्षी होणाऱ्या कीर्तन महोत्सवात दीपाली झुमके (कल्याण), महादेव महाराज मोरे (घाटकोपर), सुप्रिया साठे (आळंदी), केशव महाराज भागडे (इगतपुरी), डॉ. विवेक महाराज चव्हाण (आळंदी), महेंद्र महाराज भगवान गडकर, रामेश्वर महाराज शास्त्राr, सुजाता महाराज गोपाळे आदी कीर्तनकारांची कीर्तने होणार आहेत. पालखी सोहळ्याच्या नियोजनाची बैठक श्री वारकरी प्रबोधन महा समितीचे अध्यक्ष रामेश्वर महाराज शास्त्राr यांच्या अध्यक्षतेखाली राम मंदिर कॉटनग्रीन येथे पार पडली. या बैठकीला उपाध्यक्ष अशोक महाराज सूर्यवंशी, सचिव राजाराम उर्फ नाना निकम, सहसचिव शामसुंदर महाराज सोन्नर, खजिनदार बळवंत महाराज आवटे, विश्वस्त बाबासाहेब महाराज मिसाळ, दीपक शिंदे उपस्थित होते. या बैठकीमध्ये यावर्षीच्या नियोजनावर सविस्तर चर्चा करण्यात आली.
दै. ‘सामना’चाही समाजप्रबोधन पुरस्कार
पांडुरंगाच्या पालखी सोहळ्यात संत संमेलन होते. यावेळी वारकरी संप्रदायातील वयोवृद्ध, ज्ञानवृद्ध वारकरी प्रबोधनकारांना वारकरी रत्न पुरस्कार देऊन सन्मानित करण्यात येते. तर वारकरी संप्रदायाची अविरत सेवा करणाऱया ज्येष्ठ प्रबोधनकाराला हैबत बाबा वारकरी सेवा पुरस्काराने गौरविण्यात येते. तर दरवर्षी दिंडीमध्ये सहभागी होणाऱया दिंडयामधील तीन आदर्श दिंडय़ाना पुरस्कार दिला जातो. या सोहळ्यात दैनिक ‘सामना’च्या वतीनेही समाजप्रबोधन पुरस्कार दिला जातो. त्यावरही या बैठकीत चर्चा झाली.
