जम्मू-कश्मीरच्या उधमपूर जिह्यात आज सकाळी साडेआठच्या सुमारास दहशतवादी आणि सुरक्षा दलाच्या जवानांमध्ये चकमक उडाली. दहशतवाद्यांच्या गोळीबाराला चोख प्रत्युत्तर देताना जवानांनी जैश-ए-मोहम्मदच्या एका दहशतवाद्याचा खात्मा केला. या दहशतवाद्याचा गेल्या वर्षभरापासून हिंदुस्थानी लष्कराचे जवान शोध घेत होते. लष्कराचे जवान आणि पोलिसांच्या टीमने संयुक्तरित्या मोहीम राबवत दहशतवाद्यांविरोधात कारवाई सुरू केली आहे.
