ऑपरेशन सिंदूर राबवून हिंदुस्थानी सैन्याने पाकिस्तान आणि पाकव्याप्तमधील अनेक दहशतवादी तळं नष्ट केली होती. हिंदुस्थानने दहशतवाद्यांची 20 तळं नष्ट केली होती अशी प्राथमिक माहिती होती. पण 20 नव्हे तर 28 दहशतवादी तळं नष्ट केल्याची कबुली पाकिस्तानने दिली आहे.
ऑपरेशन सिंदूरवेळी हिंदुस्थानने पाकिस्तानच्या अनेक दहशतवादी ठिकाणांना टार्गेट केलं होतं. पण पाकिस्तानने प्रत्युत्तर म्हणून हिंदुस्थानच्या अनेक रहिवासी भागात ड्रोन आणि मिसाईल डागले होते. असे असले तरी हिंदुस्थानी सैन्यांनी त्यांचे मनसुबे उधळून लावले. हिंदुस्थानने पाकिस्तानची अनेक हवाई तळं उद्ध्वस्त केली होती. यात पाकिस्तानचे मोठे नुकसान झाले होते.
ऑपरेशन सिंदूरवरून पाकिस्तानने अनेकवेळा खोटं सांगितले आहे. पण आता काही कागदपत्रावरून खरं समोर आलं आहे. त्यानुसार हिंदुस्थानने आत घुसून पाकिस्तानवर हल्ला केला होता. त्यात 20 नव्हे तर 28 ठिकाणी हल्ले करून दहशतवाद्यांचे तळ उद्ध्वस्त केले होते. हिंदुस्थानी सैन्याने घेतलेल्या पत्रकार परिषदेत ऑपरेशन सिंदूरमधून कुठे कुठे हल्ले केले याचा उल्लेख केला नव्हता. पण पेशावर, सिंध, झांग, गुजरांवाला, भवालगनर आणि छोर भागात हिंदुस्थानने हल्ला केला होता.
