पहलगाम हल्ल्यानंतर हिंदुस्थानने पाकिस्तानविरोधात कडक पाऊले उचलत सर्वप्रथम सिंधू करार स्थगित केला. हिंदुस्थानने पाकिस्तानला जाणारे पाणी रोखल्यामुळे सध्या त्यांच्या देशात पाण्याची टंचाई निर्माण झाली आहे. अक्षरश: पाकिस्तानी विमानतळांवर टॉयलेटलाही पाणी नसल्याचे समोर आले आहे. त्यामुळे आंतरराष्ट्रीय विमानतळावर देखील प्रवाशांचे हाल होत आहेत.
पाकिस्तानची प्रसिद्ध अभिनेत्री हिना बेयात हिने एक व्हिडीओ शेअर करत विमानतळावरील परिस्थितीवरून पाकिस्तान सरकारला खडे बोल सुनावले आहेत. ”पाकिस्तानातील सर्वात मोठे आंतरराष्ट्रीय विमानतळ म्हणजे कराचीतील जिन्ना विमानतळ. मात्र या विमानतळातील टॉयटेलमध्ये अजिबात पाणी नाहिए. पाकिस्तान आपल्या विजयाचा सोहळा साजरा करतोय पण विमानतळांवर पाणी नाही. ही अत्यंत लाजीरवाणी गोष्ट आहे”, असे ती अभिनेत्री म्हणाली.
