‘पीएनजी ज्वेलर्स’ने रानडे रोड, दादर पश्चिम या ठिकाणी आपले नवीन दालन सुरू केले असून रश्मी ठाकरे आणि अभिनेता स्वप्नील जोशी यांच्या उपस्थितीत या दालनाचे दिमाखात उद्घाटन करण्यात आले. दादर येथे सुरू करण्यात आलेले हे दालन मुंबईतील मुख्य दालन असणार आहे.
‘पीएनजी ज्वेलर्स’ हे नाव प्रत्येक महाराष्ट्रीय घरात आदराने घेतले जाते. दादरमध्ये हे नवीन दालन उघडून ‘पीएनजी ज्वेलर्स’ मुंबईत आपली मराठी माणसाची परंपरा जपत आहे. रश्मीताईंसोबत याप्रसंगी उपस्थित राहून मला खूप आनंद झाला, असे अभिनेता स्वप्नील जोशी यावेळी म्हणाला.
‘पीएनजी ज्वेलर्स’चे अध्यक्ष आणि व्यवस्थापकीय संचालक डॉ. सौरभ गाडगीळ म्हणाले, “मुंबईने नेहमी पीएनजी ज्वेलर्सला विश्वासाने आणि आपुलकीने स्वीकारले आहे. महाराष्ट्राच्या सांस्कृतिक आणि सामाजिक तंतूंशी निगडित असलेल्या दादरमध्ये मुंबईतील मुख्य दालन उघडणे आमच्यासाठी खूप खास आणि अभिमानास्पद आहे. दादर स्टोअरला मुंबईतील आमच्या ग्राहकांसाठी एक प्रकाशस्तंभ बनवण्याची अपेक्षा करतो.’’
दागिन्यांचे कलेक्शन अन् मेकिंग चार्जेसवर आकर्षक सवलत
रानडे रोड, दादर पश्चिम या ठिकाणी असलेल्या या स्टोअरमध्ये ‘पीएनजी ज्वेलर्स’च्या सोने, हिरे, चांदी आणि प्लॅटिनमच्या दागिन्यांचे कलेक्शन पाहायला मिळणार आहे. नव्या दालनाचे उद्घाटन आणि नवरात्रीच्या निमित्ताने स्टोअरमध्ये येणाऱ्या ग्राहकांना सोन्याच्या दागिन्यांच्या मेकिंग चार्जेसवर 50 टक्क्यांपर्यंत सवलत, हिऱ्यांच्या दागिन्यांच्या मेकिंग चार्जेसवर 100 टक्क्यांपर्यंत सवलत तसेच सोन्याच्या एक्स्चेंजवर शून्य टक्के घट मिळणार आहे.
