अल्पवयीन मुलीचे अपहरण व बलात्कार प्रकरणात शिक्षा भोगून नुकताच कारागृहाबाहेर आल्यानंतर त्याला नवीन दुचाकी घेण्याचा मोह अनावर झाला. लवकर दुचाकी घेण्यासाठी त्याने थेट मंदिरातल्या दानपेटीवर डल्ला मारला. चोरी करून तो शिताफीने सटकला, पण पंतनगर पोलिसांनी तीन तासांत त्याला बेडय़ा ठोकल्या.
गणेश भुक्तर ऊर्फ गण्या (31) असे त्या गुन्हेगाराचे नाव आहे. अंबरनाथ येथील शिवाजीनगर पोलीस ठाण्यात दाखल अल्पवयीन मुलीचे अपहरण व बलात्कार प्रकरणात गणेशला मार्च 2018 रोजी अटक झाली होती. त्यानंतर अलीकडे तो शिक्षा भोगून बाहेर आला. बाहेर येताच त्याला दुचाकी घेण्याची लालसा झाली. पण त्याकरिता पैसा नसल्याने त्याने घाटकोपर पूर्वेकडील मुख्य सहकार मार्पेटमधील भवानी मातेच्या मंदिरातील दानपेटींना लक्ष्य केले. त्याने शिताफीने तीन दानपेटय़ा पह्डून हजारो रुपयांची चोरी केली. यासंदर्भात पंतनगर पोलिसांनी तत्काळ घरफोडीचा गुन्हा दाखल करून आरोपीला शोधण्यासाठी तीन पथके तैनात करून गुन्हा दाखल झाल्यापासून अवघ्या तीन तासांत आरोपीच्या मुसक्या आवळल्या.
