‘तुमच्या अंगावर जे कपडे आहेत ते आम्ही दिले, तुमच्या हातात जे डबडे (मोबाईल) आहे ते मोदींमुळे आहे. तसेच तुझ्या बापाला वर्षाला जे सहा हजार येतात ते मोदीमुळे येतात…’ असे शेतकरी व सर्वसामान्यांबाबत भाजपचे आमदार बबनराव लोणीकर यांनी आक्षेपार्ह वक्तव्य केले होते. या वक्तव्याच्या निषेधार्थ परतूरमध्ये शिवसेना (उद्धव बाळासाहबे ठाकरे) जिल्हाप्रमुख महेश नळगे यांच्या नेतृत्वामध्ये शनिवार, 28 जून रोजी महादेव मंदिर चौक येथे बबनराव लोणीकर यांच्या प्रतिमेला जोडे मारून निषेध करण्यात आला.
गरीब शेतकरी, कष्टकरी मजुरांना तुम्ही गुलाम समजून थट्टा करू नका, नसता शिवसेनेशी गाठ आहे, असा इशारा जिल्हाप्रमुख महेश नळगे यांनी दिला. यावेळी उपजिल्हाप्रमुख माधवराव कदम, तालुकाप्रमुख प्रदीप बोराडे, तालुकाप्रमुख भारतराव पंडित, शहरप्रमुख दत्ता सुरुंग, तालुकाप्रमुख मधुकर पाईकराव, युवासेनेचे तालुका समन्वयक राहुल कदम, संदीप गायकवाड, मार्केट कमिटीचे संचालक विजय वाणी, सरपंच दीपक काळे, विठ्ठल वटाणे, आबासाहेब कदम, दिलीपराव निकम, गोपाळ माने, माऊली राजबिंडे, छगनराव टेकाळे, इब्राहिम कायमखानी, गोविंद मुंदडा, गजानन वटाणे, गजानन मस्के, संदीप मस्के, गणपतराव खोसे, बळीराम सोळंके, अनिल खरात, तुकाराम बोरकर, राजू वाणी यांच्यासह शिवसैनिकांची उपस्थिती होती.
