जम्मू-कश्मीरमधील पुलगाम जिह्यातील अखल देवसभर येथे आज सलग तिसऱया दिवशी दहशतवाद्यांसोबत चकमक सुरू आहे. आज आणखी दोन दहशतवादी मारले गेले, तर शनिवारी दोन दहशतवाद्यांचा खात्मा करण्यात आला. अखलच्या जंगलात रात्रभर स्फोट आणि गोळीबार सुरूच होता. दरम्यान, या कारवाईत एक जवान जखमी झाला. दरम्यान, पहलगाम हल्ल्यानंतर आतापर्यंत 21 दहशतवाद्यांचा खात्मा करण्यात आला आहे.
पुलगाम जिह्यात सुरक्षा दलांनी लष्कर-ए-तोयबाच्या हरीस नजीरसह दोन दहशतवाद्यांना ठार मारले. तिघेही पुलगाम जिह्यातील अखलच्या जंगलात लपले होते. आज झालेल्या चकमकीत एक लष्करी अधिकारी जखमी झाला असून त्यांना श्रीनगरमधील लष्कराच्या 92 बेस हॉस्पिटलमध्ये दाखल करण्यात आले. या भागात आणखी दहशतवादी लपल्याचा संशय आहे. त्यामुळे लष्करी कारवाई सलग तिसऱया दिवशी सुरूच आहे. जम्मू आणि कश्मीरचे डीजीपी आणि लष्कराच्या 15 व्या का@र्प्सचे कमांडर या दहशतवादविरोधी कारवाईवर बारकाईने लक्ष ठेवून आहेत. जम्मू आणि कश्मीर पोलिसांनी दिलेल्या माहितीनुसार, अखलच्या जंगलात सुरू असलेल्या या दहशतवादविरोधी कारवाईत एसओजी अर्थात विशेष ऑपरेशन्स ग्रुप, लष्कर आणि पेंद्रीय राखीव पोलीस दल यांची संयुक्त पथके कारवाई करत आहेत.
