शेअर बाजाराने बुधवारी जोरदार उसळी घेतली. सेंसेक्स 700 अंकांनी वधारून 82,559.84 वर बंद झाला, तर निफ्टी 187.50 अंकांनी वाढून 25,244.55 च्या पातळीवर पोहोचला. या तेजीमुळे बीएसईवर लिस्टेड कंपन्यांचे एकूण बाजार भांडवल 450 लाख कोटींवरून 454 लाख कोटींवर गेले, ज्यामुळे गुंतवणूकदारांना एका दिवसात सुमारे 4 लाख कोटींचा नफा मिळाला.
आज दिवसाच्या सुरुवातीला सेन्सेक्स 82,448 वर उघडला आणि दिवसाच्या अखेरीस 0.85 टक्क्यांच्या वाढीसह 82,755 वर बंद झाला. म्हणजेच एकूण 707 अंकांची वाढ झाली. दुसरीकडे निफ्टी 25,150 वर उघडला आणि 0.50 टक्क्यांच्या वाढीसह 25,244 वर बंद झाला. या दोन्ही निर्देशांकांमधील वाढीमुळे बाजारात उत्साह निर्माण झाला.
बाजारातील या तेजीचा सर्वाधिक फायदा गुंतवणूकदारांना झाला. बीएसईवर लिस्टेड कंपन्यांचे बाजार भांडवल मागील सत्रातील 450 लाख कोटी रुपयांवरून 454 लाख कोटी रुपयांवर पोहोचले. म्हणजेच गुंतवणूकदारांनी फक्त एका दिवसात 4 लाख कोटी रुपयांचा नफा कमावला.
