भाजपचा मोर्चा आता तेलंगणाकडे, इथे ‘डबल इंजिन’ सरकारची गरज असल्याचं पंतप्रधान मोदींचं वक्तव्य

बातमी शेअर करा :
सामना फॉलो करा
Telangana-PM-Modi

तेलंगणाला विकासासाठी ‘डबल इंजिन’ सरकारची गरज आहे आणि येत्या काही दिवसांत ते भाजप स्थापन करेल, असा दावा पंतप्रधान नरेंद्र मोदी यांनी केला आहे. सध्या तेलंगणात मुख्यमंत्री के.सी. राव (K. Chandrashekar Rao) यांच्या तेलंगणा राष्ट्र समितीची सत्ता आहे.

भाजपच्या दोन दिवसीय राष्ट्रीय कार्यकारिणीच्या बैठकीच्या समारोपाच्या दिवशी रविवारी झालेल्या जाहीर सभेत ते बोलत होते.

प्रधानमंत्री जन धन योजना आणि मुद्रा योजनेसह केंद्राने सुरू केलेल्या विविध योजनांचा गरीब, महिला आणि आदिवासींना फायदा होत आहे, असे ते म्हणाले.

2014 च्या निवडणुकीपासून राज्यात भाजपची लोकप्रियता सातत्याने वाढत असल्याचे सांगून पंतप्रधान म्हणाले की, ग्रेटर हैद्राबाद महानगरपालिका निवडणुकीत भाजपने ‘चांगले’ यश मिळवले आणि लोकांना राज्यात ‘डबल इंजिन ग्रोथ’ सरकारची इच्छा होती. केंद्र सरकार हैदराबादमध्ये केंद्रीय निधीसह फ्लाय-ओव्हर आणि प्रादेशिक रिंग रोडसह पायाभूत सुविधा विकसित करत आहे, मोदी म्हणाले की, राज्यात एक मेगा टेक्स्टाईल पार्क देखील तयार केला जाईल. तेलंगणातील राष्ट्रीय महामार्गांची लांबी गेल्या आठ वर्षांत दुप्पट झाल्याचा दावाही त्यांनी यावेळी केला. केंद्र सरकार महिला आणि दलितांच्या विकासावर लक्ष केंद्रित करत आहे आणि प्रमुख योजनांमध्ये 50 टक्क्यांहून अधिक लाभार्थी महिला होत्या, असेही पंतप्रधान म्हणाले.

तेलंगणा ही प्राचीन आणि शौर्याची भूमी असून देशाच्या इतिहासात आणि संस्कृतीत त्याला अभिमानाचे स्थान आहे, असेही ते म्हणाले.