जम्मू-कश्मीरच्या किश्तवाडमध्ये दहशतवाद्यांविरोधात रविवारपासून सुरू असलेल्या मोहिमेत जखमी झालेल्या एका जवानाची प्राणज्योत मालवली. हवालदार गजेंद्र सिंह असे या शहीद झालेल्या जवानाचे नाव आहे.
सुरक्षा दलांनी सिंगपोरा येथील जंगलात ऑपरेशन त्राशी-1 राबविले आहे. या भागात पाकिस्तानची दहशतवादी संघटना जैश-ए-मोहम्मदचे 3 दहशतवादी लपल्याचा संशय आहे. शोध मोहिमेदरम्यान दहशतवाद्यांच्या ग्रेनेड हल्ल्यात 8 जवान जखमी झाले होते.
हिवाळ्यासाठी दहशतवादी होते सज्ज
शोध मोहिमेदरम्यान सुरक्षा दलांनी दहशतवाद्यांनी लपण्यासाठी वापरलेले एक ठिकाण उद्ध्वस्त केले. तेथे हिवाळ्यात वास्तव्यासाठी लागणारे रेशन व इतर आवश्यक वस्तू साठवून ठेवलेल्या होत्या. छत्रू भागात सोन्नर गावाजवळ हे ठिकाण होते.
