वजन कमी करण्याचा प्रयत्न करताना, आपले बहुतेक लक्ष पोटाची चरबी कमी करण्यावर असते. पोटाची चरबी केवळ तुमच्या दिसण्यावरच परिणाम करत नाही तर तुमच्या यकृत, मूत्रपिंड आणि हृदयाच्या आरोग्यावरही परिणाम करते. यामुळे लठ्ठपणा नियंत्रित करणे देखील कठीण होऊ शकते. म्हणूनच डॉक्टर नेहमीच संतुलित आणि निरोगी आहार घेण्याचा सल्ला देतात. ज्यांना वजन कमी करायचे आहे किंवा पोटावरील चरबी कमी करायची आहे अशांनी आहाराकडे काटेकोरपणे लक्ष देणे गरजेचे आहे.
व्यायामाशिवाय पोटाची चरबी कशी कमी करावी
दिवसाची सुरुवात काजू खाऊन करा. बदाम, पिस्ता, अक्रोड किंवा पेकान, तुम्ही काहीही खाऊ शकता. तुम्हाला बदाम खायचे असतील तर तुम्ही ते रात्रभर पाण्यात भिजवून ठेवू शकता आणि नंतर दुसऱ्या दिवशी खाऊ शकता.
दिवसभर उत्साही राहण्यासाठी, सकाळी रिकाम्या पोटी भोपळ्याच्या बिया किंवा सूर्यफुलाच्या बिया खा. यामुळे तुम्हाला ऊर्जा मिळेल आणि तुम्हाला पुन्हा पुन्हा काहीतरी खाण्याची इच्छा होणार नाही. तुम्हाला पोट भरल्यासारखे वाटेल आणि शरीरातील चरबी वाढणार नाही.
सकाळी कोणतेही फळ खावे. तुम्ही तुमच्या आवडीनुसार ते निवडू शकता. फळांसोबत भिजवलेले बदाम देखील खाऊ शकता. यामुळे तुमच्या शरीराला ऊर्जा मिळेल आणि तुम्हाला पुन्हा पुन्हा काहीही खाण्याची इच्छा होणार नाही.
दिवसाची सुरुवात एक उकडलेले अंडे खाऊन करु शकता. वजन नियंत्रणात ठेवायचे असेल तर, नाश्त्यात किंवा दुपारच्या जेवणात प्रक्रिया न केलेले पदार्थ खावेत. प्रक्रिया केलेले अन्न वजन वेगाने वाढवते. चरबी वेगाने जमा होते, विशेषतः पोटावरील भागावर.
तुमचा दिवस एखाद्या पेयाने सुरू करायचा असेल तर तुम्ही, बदाम आणि दुधापासून बनवलेल्या प्रोटीन शेकने सुरुवात करू शकता. पण त्यात गोड पदार्थ घालू नका.
केळी आणि सोया दूध मिसळून स्मूदी देखील बनवू शकता. याशिवाय, तुम्ही त्यात चिया सीडस् घालून देखील पिऊ शकता.
