सैन्यदलात लेफ्टनंट पदावर असलेल्या सांगलीच्या सुपुत्रास बिहार येथील प्रशिक्षणादरम्यान वीरमरण आले. लेफ्टनंट अथर्व संभाजी कुंभार असे त्यांचे नाव असून वयाच्या 26 व्या वर्षी त्यांनी अखेरचा श्वास घेतला. आयटी कंपनीतील नोकरी सोडून ते सैन्यदलात भरती झाले होते. त्यांच्या निधनाने शोककळा पसरली आहे.
सांगलीच्या पलूस गावचे अथर्व कुंभार यांची सैन्यदलात लेफ्टनंट पदावर निवड झाली होती. बिहार येथे त्यांचे प्रशिक्षण सुरू होते. प्रशिक्षणादरम्यान 20 किमी रनिंगचा अंतिम टप्पा पूर्ण करत असताना त्यांचे आकस्मिक दुःखद निधन झाले. त्यांच्या निधनाने कुंडल, पलूससह अवघ्या पंचक्रोशीवर शोककळा पसरली.
