जगातील टी-20 क्रिकेट गाजवणाऱया वेस्ट इंडीजच्या सर्व आक्रमक खेळाडूंना मायदेशात होणाऱया टी-20 वर्ल्ड कपसाठी निवडण्यात आले आहे. रोवमन पॉवेलकडे संघाचे नेतृत्व कायम ठेवले असून गेल्या वेळी वर्ल्ड कप संघात स्थान मिळवू न शकलेल्या शिमरॉन हेटमायरचीही निवड करण्यात आली आहे. तसेच दोन महिन्यांपूर्वी ऑस्ट्रेलियाला कसोटीत हरवण्याची ऐतिहासिक कामगिरी करताना जबरदस्त गोलंदाजी करणाऱया शामर जोसेफलाही 15 सदस्यीय संघात घेण्यात आले आहे. तो आतापर्यंत केवळ तीनच टी-20 सामने खेळला असून त्याला आंतरराष्ट्रीय टी-20 चा एकही सामना खेळता आलेला नाही. या स्पर्धेसाठी सुनील नारायणच्याही नावाचा विचार करण्यात आला असल्याची माहिती संघाचे प्रशिक्षक डॅरेन सॅमीने दिली. मात्र त्याने आंतरराष्ट्रीय क्रिकेटमधून घेतलेली निवृत्ती मागे घेण्यास नकार दिल्यामुळे निवड समितीला नवा खेळाडू निवडावा लागला.
विंडीजचा संघ ः रोवमन पॉवेल (कर्णधार), अल्झारी जोसेफ (उपकर्णधार), जॉन्सन चार्ल्स, रोस्टन चेस, शिमरॉन हेटमायर, शामर जोसेफ, ब्रॅण्डन किंग, निकोलस पूरन, शाय होप, आंद्रे रसल, रोमारियो शेफर्ड, जेसन होल्डर, अकिल होसेन, गुदाकेश मोती, शेरफन रुदरपर्ह्ड.
