शेतकर्‍यांना सक्षम करण्यासाठी आणि ग्राहकांना उच्च दर्जाची ताजी फळे आणि भाज्या देण्याच्या सतत प्रयत्नात, अॅमेझॉन रिटेल इंडियाने महाराष्ट्रातील कुंजीरवाडी येथे 5 वे शेतकरी संकलन केंद्र सुरू केले. अॅमेझॉन रिटेल इंडियाची महाराष्ट्रात मंचर, नाशिक, वाई आणि रत्नागिरी यासह इतर चार शेतकरी संकलन केंद्रे आहेत आणि स्थानिक पातळीवर पिकवलेली फळे आणि भाजीपाला मिळवण्यासाठी महाराष्ट्रात 4500 हून अधिक शेतकरी आणि शेतकरी उत्पादक संस्था (FPOs) यांचे नेटवर्क आहे. ही संकलन केंद्रे शेतकऱ्यांना जलद पेमेंट, वाजवी आणि पारदर्शक किंमत आणि तंत्रज्ञानाच्या सहाय्याने शेतीचे उत्पन्न वाढवण्याच्या शिफारशींचे आश्वासन देतात.
कुंजिरवाडी येथील नवीन संकलन केंद्र हे जलद-विस्तारित उत्पादन मूल्य साखळीत एक भर असेल आणि ग्राहकांना विविध प्रकारच्या उच्च-गुणवत्तेची फळे आणि भाज्या (सेंद्रिय, विदेशी, हंगामी आणि पालेभाज्या) देईल.
अॅमेझॉन रिटेल इंडियाचे कॅटेगरी लीडर राजेश प्रसाद म्हणाले, ‘संपूर्ण प्रदेशातील स्थानिक शेतकर्‍यांना ऑनलाइन मार्केटमधील संधीचा लाभ घेण्यास सक्षम करणे आणि वेगवान डिजिटल अर्थव्यवस्थेचा एक भाग बनणे हे आमचे ध्येय आहे. या सुरूवातीमुळे आणि महाराष्ट्रात आमच्या शेतकरी संकलन केंद्राच्या नेटवर्कच्या विस्तारामुळे, आम्ही 120 हून अधिक ठिकाणांमधून ताजी आणि सर्वोत्तम दर्जाची प्रादेशिक फळे आणि भाजीपाला थेट शेतातून खरेदी करू आणि आमच्या ग्राहकांपर्यंत पोहोचवू. एकट्या महाराष्ट्रात, आम्ही आमच्या कलेक्शन सेंटर नेटवर्कवर त्यांच्या उत्पादनांची विक्री सुलभ करण्यासाठी विविध एफपीओ सह 4500 हून अधिक शेतकऱ्यांसोबत भागीदारी केली आहे. जसजसा आमचा विस्तार होतो आहे तसे आम्ही शेतकरी आणि विविध सप्लाय चेन शक्यतांबद्दल अधिक जाणून घेत आहोत, आदर्श पायाभूत सुविधा आणि योग्य तंत्रज्ञान सोल्युशन तयार करण्यासाठी जे शेतापासून ते आमच्या ग्राहकांपर्यंत कृषी व्हॅल्यू चेन सुलभ करण्यात मदत करतील. आमची संकलन केंद्रे ही खरेदीच्या पलीकडे सेवांचा विस्तार करण्यासाठी नोडल पॉइंट आहेत, ज्यामध्ये विविध प्रशिक्षण कार्यक्रम, शेतकऱ्यांची उत्पादकता वाढवण्यासाठी कृषी इनपुट सपोर्ट देणे, ज्ञान शेयर करणे आणि तंत्रज्ञानाचा अवलंब करणे या बाबी समाविष्ट आहेत.’
