उबदार हिवाळा प्रत्येकाच्याच आवडीचा. सकाळचे धुके, गरमागरम वाफाळता चहा, हिवाळ्यातील उबदार कपडे पण त्याचबरोबर थंडीची कोरडी हवा अनेक समस्याही घेऊन येते . यातील सगळ्यात महत्वाची समस्य कोंडा आहे. हिवाळ्याच्या कोरड्या हवामानामुळे आपली त्वचा आणि टाळू कोरडे होते. तुमच्या टाळूतून ओलावा कमी होताच, खाज सुटणे, फ्लेक्स आणि कोंडा होऊ लागतो. डोक्यातील कोंडा चारचौघातही लाजीरवाणा ठरतो.
हिवाळ्यात कोंडा दूर करण्यासाठी काय करावे?
केस आणि टाळूच्या आरोग्यासाठी तुम्ही कधी कोरफडीचा वापर केला आहे का? कोरफड केवळ आपल्या त्वचेचेच नव्हे तर टाळूचेही आरोग्य राखण्यास मदत करू शकते.
कोंडा दूर करण्यासाठी कोरफड कसे वापरावे?
केस आणि टाळूच्या आरोग्यासाठी कोरफडीचा वापर शतकानुशतके केला जात आहे.
कोरफडीचा मोठा देठ घेऊन त्याचे जेल काढा.
आता हे जेलमिक्सरमध्ये फिरवा.आणि त्यात लिंबू आणि ग्लिसरीनचे काही थेंब घाला.
आता हे मिश्रण घेऊन टाळूवर मसाज करा.
मसाज केल्यानंतर, 10 मिनिटे राहू द्या.
त्यानंतर कोमट पाण्याने केस धुवा.
केस धुण्यासाठी फक्त सौम्य शैम्पू आणि कंडिशनर वापरण्याचा प्रयत्न करा.
जर तुम्ही हे मिश्रण आठवड्यातून एकदा वापरत असाल तर तुम्हाला महिन्याभरात असे बदल दिसतील:
दोनदा वापरल्यानंतरच खाज कमी होईल.
कोंड्याची समस्या पूर्णपणे बरी होणार नाही, परंतु कोरडी त्वचा, खाज आणि तेलकटपणा दूर होईल.
टाळूच्या कोरडेपणा आणि कोरडेपणापासून आराम मिळेल.
