बिअर बारसमोर युवकांच्या टोळीने केलेल्या हल्ल्यात एका पोलीस कर्मचाऱ्याचा मृत्यू तर एक पोलीस गंभीर जखमी झाल्याची घटना घडली. दिलीप चव्हाण (36) असं मृतक पोलीस कर्मचाऱ्याचे नाव तर समीर चापले (34) असं हल्ल्यात गंभीर जखमी झालेल्या पोलीस कर्मचाऱ्याचं नाव आहे.
चंद्रपूर शहरातील पठाणपुरा मार्गावरील पिंक बारसमोर किरकोळ वादातून युवकांच्या टोळीने धारदार शस्त्राने हल्ला केला. पोलीस कर्मचाऱ्यांच्या मृत्यूमुळे जिल्हा सामान्य रुग्णालय आणि परिसरात मोठा तणावाचे वातावरण निर्माण झाले होते, घटनेची माहिती मिळताच सर्व वरिष्ठ पोलीस अधिकारी घटनास्थळी दाखल झाले, चार संशयित आरोपींना पोलिसांनी ताब्यात घेतलं आहे. पुढील तपास शहर पोलीस निरीक्षक करीत आहे.
