टीम इंडियाचा जलदगती गोलंदाज मोहम्मद शमी याला जीवे मारण्याची धमकी देण्यात आली आहे. शमीला ही धमकी ईमेलद्वारे देण्यात आली आहे. या प्रकरणी मोहम्मद शमीचा भाऊ हसीबने अमरोहा पोलीस ठाण्यात याबाबत तक्रार नोंदवली आहे.
4 मे रोजी दुपारी अडीच्या सुमारास मोहम्मद शमीच्या ईमेल आयडीवर त्याला एक मेल आला. त्यात शमीला जीवे मारण्याची धमकी देण्यात आली. त्यानंतर शमीचा मोठा भाऊ हसीबने याबाबत पोलिसांत तक्रार दाखल केली व शमी सध्या खेळत असलेल्या सनरायझर्स हैदराबादच्या प्रशासनालाही कळवण्यात आले.
मोहम्मद शमी हा सध्या आयपीएलमध्ये व्यस्त आहे. तो सनरायजर्स हैदराबाद या संघातर्फे खेळत असून तो आयपीएलमध्येही जबरदस्त कामगिरी करत आहे.
