IPL 2025 आता अंतिम टप्प्यात आली असून फायनलचा थरार 3 जून रोजी अहमदाबादच्या नरेंद्र मोदी स्टेडियमवर रंगणार आहे. फायनलमध्ये धडक मारण्यासाठी पंजाब किंग्ज, गुजरात टायटन्स, मुंबई इंडियन्स आणि रॉयल चॅलेंजर्स बंगळुरू आपापसात भिडतील. यांच्यातील दोन संघांमध्ये विजेतेपदासाठी द्वंद्व होईल. फायनलचा थरार पाहण्यासाठी हिंदुस्थानच्या तिन्ही दलांच्या प्रमुखांना BCCI ने आमंत्रित केलं आहे.
पहलगाममध्ये झालेल्या दहशतवादी हल्ल्यात 26 निष्पाप नागरिकांचा बळी गेला. त्यामुळे देशभरात संतापाची लाट उसळली होती. त्यानंतर हिंदुस्थानने “ऑपरेशन सिंदूर” राबवत पाकिस्तानला जोरदार प्रत्युत्तर दिले. त्यानंतर काही दिवस दोन्ही देशांमध्ये तणावाची परिस्थिती निर्माण झाली होती. त्यामुळे आयपीएल सुद्धा 9 मे पासून काही दिवसांसाठी स्थगित केली होती. त्यामुळे आयपीएलच्या वेळापत्रकातही बदल झाला आणि जी फायनल 25 मे रोजी खेळली जाणार होती, ती आता 2 जून रोजी खेळली जाणार आहे. या सामन्यात BCCI ने तिन्ही दलाच्या प्रमुखांना म्हणजेच लष्करप्रमुख उपेंद्र द्विवेदी, नौदल प्रमुख अॅडमिरल दिनेश के त्रिपाठी, हवाई दल प्रमुख एअर चीफ मार्शल अमर प्रीत सिंग आणि इतर प्रमुख अधिकारी आणि जवानांना आमंत्रित केलं आहे. ऑपरेशन सिंदूरच्या विजयाचा जल्लोष करणे हा या मागचा मुळ हेतू असल्याचे, BCCI ने म्हटलं आहे.
