मुंबईतील रिक्षाचालक हटके काम करून दिवसाला 20 ते 30 हजार रुपये तर महिन्याला पाच ते आठ लाख रुपये कमावतो. त्याच्याकडे अॅप नाही किंवा तो ड्रायव्हिंगही करत नाही. रिक्षाचालक रिक्षा न चालवता एवढे पैसे कसे कमावतो, असा सवाल उपस्थित होतो. रिक्षाचालक स्मार्ट बिझनेस करतो. तो त्याच्या रिक्षाचा वापर एखाद्या लॉकरसारखा करतो.
याबाबत लिंक्डइनवर उद्योजक राहुल पिपाणी यांनी पोस्ट शेअर करून माहिती दिली. संबंधित रिक्षाचालक अमेरिकेच्या वाणिज्य दूतावासाबाहेर त्याची रिक्षा लावतो. तिथे व्हिसा अपॉइंटमेंटसाठी येणाऱ्या लोकांना तो मदत करतो. सुरक्षा नियमांनुसार वाणिज्य दूतावासाच्या आवारात बॅगा आणि इलेक्ट्रॉनिक वस्तू घेऊन जाण्यास मनाई आहे. दूतावासाच्या आत लॉकरची व्यवस्था नाही. लोकांची हीच समस्या लक्षात घेऊन या रिक्षाचालकाने वाणिज्य दूतावासाबाहेर रिक्षा उभी केली आणि या कार्यालयात येणाऱ्यांच्या बॅगा सांभाळण्याचे काम सुरू केले. या बॅगा सांभाळण्याकरता प्रत्येकाकडून हजार रुपये घेतले जातात. दिवसाला जवळपास 20 ते 30 ग्राहकांनी त्याच्याकडे बॅगा ठेवल्या तरी रिक्षाचालक 20 ते 30 हजार रुपये कमावतो. म्हणजेच महिन्याला तब्बल 5 ते 8 लाख रुपये कमावतो.
ही पोस्ट करताना रुपाणी यांनी या कल्पनेला स्मार्ट बिझनेस असे म्हटले. ऍप्स, निधी किंवा बिझनेस डिग्रीशिवाय हे साध्य केल्याने रुपाणी यांनी त्याचे कौतुक केले. नियमानुसार रिक्षामध्ये एकाकेळी जास्त बॅगा ठेकू शकत नाही. म्हणून रिक्षाचालकाने भागीदारीत एक छोटी लॉकर जागा मिळकली आहे.
