विद्युत मोटरीचा फुटबॉलचा कचरा काढताना विजेचा धक्का बसून शेतकऱ्याचा जागीच मृत्यू झाल्याची घटना आज सकाळी तुळशी नदीकाठ शिवारात उघडकीस आली. किसन चंद्राप्पा नलवडे (66, रा. धामोड, ता. राधानगरी) असे मृत शेतकऱ्याचे नाव आहे. भात तरव्याला पाणी देण्यासाठी किसन नलावडे शेतीपंप चालू करण्यास गेले होते. दरम्यान, विद्युत मोटरपंप सुरू करण्यापूर्वी ते पाण्यात असलेल्या फुटबॉलचा कचरा काढण्यासाठी गेले असता, त्यांना विजेचा धक्का बसला. यातच त्यांचा मृत्यू झाला.
