माटुंगा पोलिसांनी दोघा सोनसाखळी चोरांना पकडून दोन गुन्ह्यांची उकल केली आहे. १८ मे रोजी एक महिला टिळक ब्रीजखालून दादर टीटीच्या दिशेने पायी जात असताना मागून आलेल्या चोरांनी त्यांच्या गळ्यातील सोनसाखळी हिसकावून पळ काढला होता. या प्रकरणी माटुंगा पोलीस ठाण्यात गुन्हा नोंदविण्यात आला होता. त्याचा तपास करत असताना माहीममध्ये राहणारा सलीम सय्यद ऊर्फ मोझेस आणि अकबर सय्यद हे दोघे असल्याची माहिती मिळाली. त्यानुसार पोलिसांनी दोघांना पकडून चौकशी केली. गुन्ह्यांची कबुली दिल्यानंतर त्यांच्याकडून ७.६४० ग्रॅम वजनाची सोन्याची लगड हस्तगत करण्यात आली. दरम्यान, माटुंगा पोलीस ठाण्यात दाखल अन्य एका चोरीच्या गुन्ह्यात सलीमचा सहभाग निष्पन्न झाल्याने ४.३४० ग्रॅम वजनाची सोन्याची लगड हस्तगत केली.
