श्री दत्तराज चॅरिटेबल ट्रस्ट आयोजित नवव्या राज्य मानांकन कॅरम स्पर्धेत मुंबईच्या राहुल सोलंकीने ठाण्याच्या झैद अहमदला 21-17, 21-5 सरळ दोन सेटमध्ये हरवून एकतर्फी विजय नोंदविला. पुरुषांच्या तिसऱया क्रमांकासाठीच्या लढतीत रत्नागिरीच्या अभिषेक चव्हाणने मुंबईच्या विकास धारियाला 24-13, 0-25 व 25-10 असे नमविले. महिला एकेरीच्या अंतिम सामन्यात ठाण्याच्या समृद्धी घाडीगावकरने बाजी मारली. तिने मुंबईच्या अंबिका हरिथवर तीन सेटपर्यंत रंगलेल्या सामन्यात 20-25, 16-8, 25-10 असा विजय मिळवून या गटाचे विजेतेपद पटकावले. या गटातील तिसऱया क्रमांकासाठी झालेल्या लढतीत रत्नागिरीच्या आकांक्षा कदमने सिंधुदुर्गच्या केशर निर्गुणवर 11-10, 21-8 अशी सहज मात केली.
स्पर्धेचा पुरस्कार वितरण सोहळा कुरुंदवाडचे पोलीस निरीक्षक रविराज फडणीस आणि नृसिंह सरस्वती स्वामी दत्तदेव संस्थेचे अध्यक्ष वैभव पुजारी, महाराष्ट्र कॅरमचे सचिव अरुण केदार, अजित सावंत, केतन चिखले यांच्या उपस्थितीत पार पडला.
