बेकायदापणे हिंदुस्थानात वास्तव्य करणाऱया बांगलादेशीला जामीन मंजूर केल्यास घुसखोरांना प्रोत्साहन मिळेल, असे निरीक्षण नोंदवत उच्च न्यायालयाने एका बांगलादेशीला जामीन नाकारला.
मोनीरुल इस्लाम असे या आरोपीचे नाव आहे. एटीएसने 26 डिसेंबर 2023 रोजी इस्लाम व त्याच्या पत्नीला अटक केली. दोन लहान मुले असल्याने पत्नीला जामीन मंजूर झाला, मात्र इस्लाम कोठडीतच आहे. त्याने जामिनासाठी याचिका केली होती. न्या. अमित बोरकर यांच्या एकल पीठासमोर या याचिकेवर सुनावणी झाली. इस्लाम अवैधपणे वास्तव्य करत होता. त्याचा गुन्हा राष्ट्रीय सुरक्षेच्या दृष्टीने धोकादायक असल्याचे सांगत जामीन फेटाळण्यात आला.
