लोकशाहीर विठ्ठल उमप फाउंडेशनचा ‘मृद्गंध जीवनगौरव 2025’ पुरस्कार ज्येष्ठ गझलनवाझ भीमराव पांचाळे यांना जाहीर झाला. पुरस्कार वितरण सोहळा येत्या 26 नोव्हेंबर रोजी रवींद्र नाटय़मंदिर येथे सायंकाळी 6 वाजता होणार आहे.
विठ्ठल उमप यांच्या 15व्या स्मृतिदिनानिमित्त लोकशाहीर विठ्ठल उमप स्मृती संगीत समारोह व मृद्गंध पुरस्कारांची घोषणा आज शाहीर नंदेश उमप यांनी केली. शाहीर राजेंद्र राऊत , शिल्पकार प्रदीप शिंदे, अभिनेता जयवंत वाडकर, दिग्दर्शक परेश मोकाशी, अभिनेत्री- निर्माती मधुगंधा कुलकर्णी, अभिनेत्री रिंकू राजगुरू यांची ‘मृद्गंध’ पुरस्कारासाठी निवड झाल्याने नंदेश उमप यांनी सांगितले. सोहळ्या दरम्यान विविध क्षेत्रांतील कलावंत आपल्या सादरीकरणातून विठ्ठल उमप यांना सांगीतिक मानवंदना देणार आहेत.
