अनेक वर्षांपासून पोलिसांना चकवा देत लपून राहणाऱया चार फरार आरोपींना पोलिसांनी जेरबंद केले आहे. काळाचौकी, आरए किडवाई मार्ग आणि भोईवाडा पोलिसांनी ही कारवाई केली आहे.
भोईवाडा पोलीस ठाण्यात दाखल एका सोनसाखळी चोरीच्या गुह्यात नफिज शेख याला न्यायालयाने फरार घोषित केले होते. तब्बल 37 वर्षे तो लपून राहत होता. अखेर भोईवाडा पोलिसांनी त्याला पुण्यातून पकडून आणले. काळाचौकी पोलिसांनी 11 वर्षे फरार राकेश पासी याला कोल्हापूर येथे तर विलास घोरपडे या फरार आरोपीला 25 वर्षांनंतर सातारा येथे पकडण्यात आले. याशिवाय आरए किडवाई मार्ग पोलिसांनी 20 वर्षांपासून फरार असलेल्या जावेद शेख याला ठाण्यात पकडले. उपायुक्त रागसुधा यांच्या मार्गदर्शनाखाली पोलिसांनी फरार आरोपींना पकडण्याची कामगिरी फत्ते केली.
